Tou moun konnen Jump Drive se yon zouti ke yo itilize nan enfòmatik pou ya sovgade fichye elektronik. Ebyen mesyedam si sete sa nou te konnen, nou chire paske ti mesye Ayiti nou yo se chèn yo fè bagay sa tounen. Tout lajounen ou wè Ti Jòj, Ronal, Janjan ak tout rès yo ak yon jump nan kou yo tout kote yo pase. Lè yo rankontre ak ou, (ta mande Bondye pou ta di ou sot Etazini) yo fou nan kò w' ap mande: 1- Ki denye grenn program ki soti lot bo a? 2- Ou pa gen Photoshop Windows 7 lan? 3- Ou gen anti-viris ki pa bezwen update la? 4- Banm kek program nan baz. Y'ap poze w' yon pakèt kesyon dwòl san sans. Mwa pase Enjenyè Junior te Ayiti, li rankontre ak nèg sa yo nan yon Sibè Kafe. Yo tonbe poze l' kesyon san sans. Junior di yo "mesye m pa gen program". Nèg yo di: A monche ba nou bagay yo non se BLODE ak BLODE, pa blo nou monche. Junior pa bay nèg yo anyen. De nan nèg yo fin dekouraje ap di koman Junior se yon move nèg. O se premye fwa yo wè yon djaspora di konsa. Men Janjan di li menm li pap pèdi batay. Li we Enjenyè Junior ap tchat sou facebook, li gade anwo li gade anba. Li di Junior konsa: Ou pa bezwen ban m' tout program ou genyen. Men, silvouple instale program Facebook la pou mwen. LOL
Aucun commentaire:
Enregistrer un commentaire